| Friday 6 May 2011, 2:56 pmالمشكله يا شباب يعني لو نبي نكمل يالي معنا دبلوم بالخارج على حساب الابتعاث ما يحسبون دراستنا شي ونفس التعليم العالي يقول مافيه بند يشمل طلاب الدبلوم يعني لا متوظفين ولا راح نقبل بالابتعاث وفوق كذا يقول لك المعهد معتمد طيب وش الفايده معتمد ومانقدر نستفيد شي بشهادتنا حتى العسكري مايقبلون الا بواسطه حسبي الله عليهم والله الواحد يحاول يمسك نفسه بس خلاص بيجي يوم وينفجرون العاطلين وبعدها نشوف وش يسوون وربي العطاله قنبله موقوته الله يسستر بس دبلوم صيدله Thursday 5 May 2011, 2:34 amيالله بوعد خير وخيره يارجال ولا يهونون الستات : مترت مملكتنا الحبيبه الغنيه بالثروات من شمالها إلى جنوبها ومن شرقها لغربها ولا تهون الوسطى ماحصلت غير كاشير ببنده والراتب نصه اجار ونصه مواصلات لموزينات ومن يوم عشره بالشهر اهلي يرسلون لي مصروف المصيبه انه حتى خبره ما تفيدني كاشير تصدقون بالله دورت وظيفه بنص راتب الكاشير بس على تخصصي ماحصلت كله عشان الخبره بالنهايه طول الله بأعماركم لميت قشي اللي باقي من ايام الدراسه بالعزبه ووديت نصه عند اخوي مستأجر هو وعايلته والنص اللي مالقيت له مكان عنده وديته للجمعيه الخيريه وسلمت الشقه وللحين علي فواتير كهرب وماء ماسددتها ورحت عند الوالد والوالده الديره ازين لي من العيشه القشره على قولة ابوي اجلس مع خواتك لحد ما يجيك النصيب هههههههه ياخسارة اللغه اللي تضيع يوم ورى الثاني مو مستفيد منها وهذي سنه ثانيه على هـ الحاله ماوتغير شي Tuesday 3 May 2011, 8:37 pmيعني لازم اطق مشوار عشان اقدم اوراق معقوله ما وصلتكم التقنيه ترا تقدرون تحطون تقديم من خلال الانتر نت ولا يحتاج تعنون الناس خلوا العنوه مره وحده بعد قبوله يقولون الاولين قليل هناك ولا كثير عناك اجلس على وظيفتي اللي متوظف بشهادة الثانويه اطيب من تبوك ومشوارها واخرتها ما يتجاوز 5 الاف لانه تشغيل ذاتي وعقب سنه يالله برا ويطلبون موظفين جدد و تصير مثل الغراب اللي ضيع مشيته ومشية الحمامه لا انت جلست على ام 2000 ريال ولانت اللي كسبت الوظيفه الثانيه ما كسبت الا الغربه و العنوه الله يعين ويكتب اللي فيه خير وخيره للجميع Tuesday 3 May 2011, 5:28 pmيا عمي رووح أنا أكثر واحد قدم على وظايف ماخليت مستشفى خاص ورحت على خطوط من مدينه الى مدينه ولكن مافيه اي فايده كل ما أجي واحد يطلب مني خبره يا غبي أذا معي خبره يعني متوظف واذا أنا متوظف ليه أفصل واقدم مره ثانية عشان أتوظف وبعدين اذا كل المستشفيات تطلب خبره كيف أحصل على الخبره |
|